QMDB TÓRAǴASY KEIKI BATYR MEN MIRJAQYP DÝLATULYNYŃ KESENELERINE ZIIaRAT ETTI

Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanuly Qostanaı oblysyna jumys sapary barysynda Keıki batyr Kókembaıuly men Mirjaqyp Dýlatulynyń kesenelerine zııarat etti.

Aldymen Bas múftı Amangeldi aýdanyna qarasty Tasty aýylynyń mańynda ornalasqan Keıki batyr kesenesine baryp, baba rýhyna Quran baǵyshtap, duǵa jasady. Sondaı-aq zııarat barysynda qurbandyq shalyndy.

Aıta keteıik, azan shaqyryp qoıǵan esimi Nurmaǵambet bolǵan Keıki batyr Kókembaıuly (1871–1923) – 1916 jylǵy Torǵaı óńirindegi ult-azattyq kóterilisine qatysqan tarıhı tulǵa, erligimen jáne mergendigimen el jadynda qalǵan batyr.

2017 jyly batyrdyń bas súıegi elge qaıtarylyp, Tasty aýylynyń mańynda arnaıy turǵyzylǵan kesenege qaıta jerlendi. Bıiktigi 15 metr bolatyn kesene búginde eldik pen erliktiń sımvolyna aınalǵan tarıhı oryndardyń biri sanalady.

Budan keıin Bas múftı Alash qaıratkeri, kórnekti aǵartýshy, aqyn-jazýshy Mirjaqyp Dýlatulynyń kesenesine zııarat etip, rýhyna Quran baǵyshtap, duǵa jasady.

Zııarat barysynda el táýelsizdigi jolynda eńbek etken tarıhı tulǵalardyń rýhyna qurmet kórsetilip, elimizdiń amandyǵy men halqymyzdyń birligi úshin duǵa jasaldy.

​