QMDB TÓRAǴASY HAMID ShÁHRIARIMEN SUHBATTASTY (FOTO)
QMDB Tóraǵasy Naýryzbaı qajy Taǵanuly Iran Islam Respýblıkasyna issapary barysynda Dúnıejúzilik Islam mázhabtaryn jaqyndastyrý assambleıasynyń Bas hatshysy Hamıd Sháhrıarımen kezdesti.
Bas múftı assambleıa bas hatshysyna QMDB delegatsııasyn birlik pen yntymaqtastyqty maqsat tutqan alqaly jıynǵa shaqyrǵany úshin alǵys aıtty. Sondaı-aq kezdesýde Qazaqstan men Iran elderi arasynda rýhanı yntymaqtastyq baılanys sóz boldy.
Hamıd Sháhrıarı óz kezeginde, QMDB bastamalaryna izgi lebizin arnap, eki el arasyndaǵy rýhanı baılanysty odan ary nyǵaıtýǵa daıyn ekenin jetkizdi. Kezdesý sońynda taraptar bir birine syı-sııapat jasady. Naýryzbaı qajy Taǵanuly qazaqtyń dástúri boıynsha Hamıd Sháhrıarıdiń ıyǵyna shapan jaýyp, qurmet kórsetti.
Aıta keteıik, erteń QMDB Tóraǵasy Irannyń Gorgan qalasynda ótetin «Mázhabtardy jaqyndastyrý jáne Islam revolıýtsııasynyń ekinshi qadamyndaǵy jańa ıslamdyq órkenıet» taqyrybyndaǵy halyqaralyq konferentsııaǵa qatysady.
