QMDB TÓRAǴASY HORVATIIa MÚFTIIN QABYLDADY (FOTO)
QMDB Tóraǵasy, Bas múftı Naýryzbaı qajy Taǵanuly elordada Horvatııa Islam qoǵamdastyǵy Mesıhat uıymynyń tóraǵasy, múftı, doktor Ázız Hasanulymen kezdesti.
Álemdik jáne dástúrli dinder lıderleriniń VII sezine arnaıy kelgen mártebeli meıman Horvatııa elindegi dinı salada atqarylyp jatqan ıgi sharalar men jobalar týraly Bas múftıge baıandady.
Óz kezeginde Naýryzbaı qajy Taǵanuly kelgen mártebeli meımanǵa iltıpat kórsetip, jyly lebizin bildirdi.
Kezdesý barysynda Álemdik jáne dástúrli dinder lıderleri seziniń mańyzy sóz bolyp, jahandyq jıynnyń dúnıejúzi halyqtaryn, barsha din ókilderin birlik pen beıbitshilikke úndep, olardyń ózara túsinistigi men tatýlyǵyna úles qosyp kele jatqandyǵy aıtyldy. Sondaı-aq eki el múftıleri dinı saladaǵy ekijaqty baılanysty arttyrýǵa, ıgi jobalardy birlese júzege asyrýǵa, ózara tájirıbe almasýǵa ýaǵdalasty.
