QMDB tóraǵasy Mádınada bilim alyp jatqan stýdenttermen kezdesti (FOTO)
Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Saýd Arabııasy Koroldigine resmı sapary barysynda Mádınada bilim alyp jatqan shákirttermen arnaıy kezdesti.
Kezdesýge stýdentterden bólek Jıddadaǵy konsýl Ershat Taıbaq, Dinı basqarmanyń Saýd Arabııasy Koroldigindegi ókili ári «Talaba» qaýymdastyǵynyń jetekshisi Abdýlahad Smanov qatysty.
Erkin áńgime barysynda osy eldegi bilim berý úderisi, durys baǵytta bolý, eldiń birligine jumys isteý jaıy qozǵaldy. Basqosýda Naýryzbaı qajy Taǵanuly eń aldymen týǵan jerge, Otanǵa qyzmet etý týrasynda nasıhat aıtty.
«Sizdermen kezdesý kópten beri josparymyzda boldy. Búgin sáti túsipti. Dinı basqarmanyń baǵytyn bilesizder. Qazirgi tańda syrttan keletin túrli aǵymdar bar. Sodan saqtaný kerek. Bizdiń ustanǵan jolymyz jamaǵat arasynda aýyzbirshilikke úndeý.
Biz qashan, qaı jerde júrsek te elimizdiń, otbasymyzdyń, urpaǵymyzdyń bolashaǵy úshin aıanbaı eńbek etýimiz kerek. Bizde bir ǵana Otan bar. Sol eldiń aırandaı uıyǵan yntymaǵyn saqtaýǵa tıispiz. Múftııat dinı bilim jolynda júrgen stýdenterge qashan da qoldaý kórsetedi. «Talaba» qaýymdastyǵynyń Saýd Arabııasyndaǵy jaýapty ókilimizdi taǵaıyndadyq. Endi yntymaqta bolýlaryńyzdy suraımyn. Alǵan baǵytymyz durys bolý kerek», – dedi Bas múftı.
Kezdesý sońynda shákirtter Dinı basqarma Tóraǵasyna tolǵantqan túrli saýaldaryn qoıyp, tushymdy jaýap aldy.
