QMDB TÓRAǴASY MAKEDONIIa ELShISIMEN KEZDESTI (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Soltústik Makedonııa Respýblıkasynyń elimizdegi Tótenshe jáne Ókiletti Elshisi Salı Lımanımen óz ótinishi boıynsha kezdesti.
Kezdesýde eki eldiń dostyq qarym-qatynasy sóz boldy. Bas múftı Qazaqstan musylmandary dinı basqarmasynyń jumysy jaıly baıandap berdi. Naýryzbaı qajy Taǵanuly múftııat osy jyly kúndelikti jumys barysynda bes baǵytqa (din men dástúr, izgi qoǵam, ıhsan jáne nasıhat, dinı oqý-aǵartý, jat dinı aǵymdardan saqtandyrý) basymdyq berip otyrǵanyn jetkizdi.
Óz kezeginde Salı Lımanı Dinı basqarmanyń dinı saladaǵy orny men róli jaıly oıymen bólisip, ıgi bastamalarǵa tileýlestik nıetin bildirdi. Sonymen qatar ýaqyt bólip, arnaıy qabyldaǵan Bas múftıge alǵysyn jetkizdi.
Kezdesý sońynda taraptar ortaq jobalardy júzege asyrýǵa kelisti.
