QMDB TÓRAǴASY MEKKEDE QAJYLYQ KOMPANIIaLARY BASShYLARYNA JINALYS ÓTKIZDI (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Mekke qalasynda qajylyq kompanııalary basshylaryna jınalys ótkizdi. Kezdesýge Qazaqstannyń Saýd Arabııasy Koroldigindegi Tótenshe jáne Ókiletti Elshisi Berik Aryn, Qajylyq mıssııasynyń músheleri, 18 qajylyq kompanııasynyń jetekshileri men ýaǵyz-nasıhat jumystaryna jaýapty ımamdar qatysty.
Basqosý barysynda qazaqstandyq qajylardyń uly qulshylyqqa daıyndyǵy, qajylyq kompanııalarynyń qyzmet kórsetý sapasy t.b máseleler talqylandy.
Bas múftı Naýryzbaı qajy Taǵanuly kompanııa jetekshilerine qajylarǵa sapaly qyzmet kórsetýdi, ımamdarǵa azamattarymyzdyń qulshylyǵynyń durys oryndalýyn qadaǵalaýdy tapsyrdy. Sondaı-aq jıynda qajylarǵa alǵashqy medıtsınalyq kómek kórsetý, qaýipsizdik sharalaryn eskerý sekildi máseleler pysyqtaldy. Qajylyq kompanııalary jetekshilerine QMDB tarapynan 18 kompanııaǵa bólinip berilgen ýaǵyzshy ımamdardyń laıyqty ýaǵyz-nasıhat jumystaryn júrgizýine, qajylardyń is-sharalarǵa júıeli qatysýyn qadaǵalaýǵa qatysty tıisti tapsyrmalar berildi.
Jıynda Qazaqstan qajylyq mıssııasynyń músheleri de óz usynys-tilekterin jetkizip, ulyq saparda belsendilik tanytyp, jumysqa jaýapkershilikpen qaraýǵa shaqyrdy.
Jınalys barysynda is sharaǵa qatysqan kompanııa basshylary qajylyqqa zańsyz jolmen, ıaǵnı qajylyq vızasyz kelgen Qazaqstan azamattaryna zańdy túrde tıisti shara qoldaný qajettigin alǵa tartyp, elshige kókeıde júrgen suraqtaryn qoıdy.
Elshilik ókilderi bul máseleni nazarda ustaıtynyn jetkizdi. Sondaı-aq, qajylyq maýsymynda Saýd Arabııa aýmaǵyna zańsyz, ıaǵnı týrıstik vızamen kelgen sheteldik azamattar anyqtalǵan jaǵdaıda Saýd Arabııasynyń zańdaryn buzǵany úshin 50 myń rıal kóleminde aıyppul salynatyny, 6 aıǵa qamaýǵa alynatyny jáne deportatsııalanatyny týraly aqparat berdi.
Aıta keteıik, bıyl qajylyq paryzyn óteý úshin Mekke qalasyna 4000 otandasymyz keldi. Olarǵa 18 qazaqstandyq qajylyq kompanııasy qyzmet kórsetýde.
