QMDB tóraǵasy «Naýan Haziret» kesenesin zııarat etti (FOTO)
QMDB Tóraǵasy, Bas múftı Naýryzbaı qajy Taǵanuly Aqmola oblysyna jumys sapary barysynda Kókshetaý qalasyndaǵy aǵartýshy ustaz, din qaıratkeri Naýan Haziret kesenesine zııarat jasap, baba rýhyna Quran baǵyshtady.
Naýryzbaı Talasuly 1843 jyly Kókshetaý okrýgi Mezgil bolysynyń Jylkeldi aýylynda dúnıege kelgen. Naýryzbaı Talasuly alǵashqyda aýyl mektebinde oqyp, keıin Qyzyljar qalasyndaǵy medreseni oqyp bitirgen soń, daryndy bala retinde Buharadaǵy Kókaltash dinı semınarııasyna usynylady. Biraz ýaqyt týǵan aýylynda jumys istep, qarajat jınap 1870 jyldyń basynda dinı semınarııaǵa oqýǵa túsedi. Jańa oqý ornynda Naýryzbaı eńbekqorlyǵymen ǵana emes, barlyq oqý pánin tereń ıgerýmen kózge túsedi. Kýrsty aıaqtaǵan soń daryndy semınarshy retinde barlyq musylmandardyń ortalyǵy Baǵdat qalasyna tájirıbe alýǵa barady. Tájirıbe almasýdan oralǵan soń ózi oqyǵan dinı semınarııada ustazdyqqa qalady.
Naýan Hazret 1916 jyly 73 jasynda dúnıe salyp, Qopa kóliniń jaǵasyndaǵy musylmandar zıratyna jerlengen.
