QMDB TÓRAǴASY QARILARǴA IJAZA KÝÁLIGIN TABYSTADY (FOTO)

Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Almaty qalasyna jumys sapary barysynda Hýsamýddın as-Syǵanaqı atyndaǵy qarılar daıyndaý ortalyǵy uıymdastyrǵan ıgi is-sharaǵa qatysty. Saltanatty rásim barysynda Bas múftı ortalyqtyń alǵashqy túlekterine ıjaza kýáligin tabystady.

«Byltyr jyl basynda elimizde «Ijaza» berý ortalyǵyn ashý týraly sheshim qabyldaǵan bolatynbyz. Soǵan saı jumystar bastalyp ketti. Ózderińiziz biletindeı elimizdegi qarılardy jigerlendirý maqsatynda jyl saıyn respýblıkalyq Quran baıqaýyn uıymdastyryp kelemiz. Allaǵa shúkir, elimizde qarılar sany jyl saıyn artyp keledi. Bul – qýanarlyq jaǵdaı. Osyǵan oraı qarılarymyzǵa arnaıy «Ijaza» berý ortalyǵyn ashsaq, kýáligin tabystasaq dep maqsat qoıdyq. Mine búgin shákirtterdiń aldynda osyndaı joba iske asqaly tur. Allaǵa shúkir! Kýálik alǵan shákirtterimizdiń qýanyshy qutty bolsyn» dedi Naýryzbaı qajy Taǵanuly.

Aıta keteıik, Hýsamýddın as-Syǵanaqı atyndaǵy qarılar daıyndaý ortalyǵynyń 18 túlegine kýálik tabystaldy. Izgi is-sharaǵa arnaıy kelgen Nur-Múbarak Egıpet Islam mádenıeti ýnıversıtetiniń rektory, professor, doktor Mýhammad ash-Shahhat Abdýlhamıd Mýhammad al-Jındı shákirtterdi quttyqtap, qýanyshqa ortaqtasty. Túlekterge Ibrahım Shaǵban ál-Mýrsıdı ál-Ázharı qarıdan Asym qyraǵatynyń hafs jáne shuǵba rıýaıatyna saı shatabııa joly boıynsha ıjaza kýáligi tabystaldy.