QMDB tóraǵasy qasaphana salý jóninde tapsyrma berdi (FOTO)

Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly iri qalalarda qasaphana salý jóninde bastama kóterdi. Bul týraly ol 2022 jyldyń Qurban aıt merekesin qorytyndylaý jıynynda málimdedi.

«Qurmetti bas ımamdar! Biz osymen toqtap qalmaı, jumystarymyzdy odan ári jetildirý baǵytynda jumystanýymyz kerek. Aldaǵy qurban aıt merekelerinde mal soıý jaǵynan qıyndyqtar týyndamaýy úshin QMDB ókildikterine qarasty qasaphanalar bolýy kerek degen sheshimge keldim. Ózderińizge 2022 jyldyń sońyna deıin óńirińizden jańadan salynatyn qasaphanaǵa arnalǵan jer máselesin sheshýlerińizdi jáne QMDB «Ýaqyp qory» men «Halal damý» mekemesine elimiz boıynsha halal standarttaryna saı keletin qasaphananyń ortaq jobasyn daıyndap shyǵýdy tapsyramyn» dedi Bas múftı Naýryzbaı qajy Taǵanuly.