QMDB TÓRAǴASY QATAR DELEGATsIIaSYN QABYLDADY (FOTO)
Elordada Qazaqstan musylmandary dinı basqarmasynyń tóraǵasy Naýryzbaı qajy Taǵanuly Álemdik jáne dástúrli din lıderleriniń VII sezi aıasynda Qatardyń Ýaqyp jáne Islam isteri mınıstrligi Islam isteri departamentiniń dırektory Haled Ben Shahın ál-Ǵanım bastaǵan delegatsııany qabyldady.
Kezdesýde eki eldiń baılanysy sóz boldy. Sonymen qatar dinı, rýhanı salada birlesken jobalardy júzege asyrýdyń mańyzy talqylandy.
Naýryzbaı qajy Taǵanuly Álemdik jáne dástúrli din lıderleriniń VII seziniń dinaralyq dostyqty nyǵaıtý jolyndaǵy róli men mańyzyn atap ótti. Sonymen qatar elimizdegi meshitter men medreselerdiń jumysy jaıly baıandady. Bas múftı jer betine beıbit ómir ornatý kúlli adamzattyń qajettiligi, bul ortaq kelisim men ózara túsinik aıasynda oryndalatyn is ekenin tilge tıek etti.
Basqosý sońynda taraptar ortaq jobalar boıynsha yntymaqtastyqty arttyrýǵa ýaǵdalasty.
