QMDB TÓRAǴASY QAIYRYMDYLYQ BAǴYTYNDAǴY TYŃ JOBAMEN TANYSTY (FOTO)

Búgin Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly elorda irgesindegi Nurly aýdanynda ornalasqan «Zeket jáne qaıyrymdylyq» qorynyń tyń jobasy – «QAZ-QATAR» taýyq ósirý shaǵyn fermasynyń jumysymen arnaıy tanysty.

Bas múftıdi jumys barysymen «Zeket jáne qaıyrymdylyq» qorynyń dırektory Maqsatbek Qaıyrǵalıev tanystyryp, qaıyrymdylyq jobasynyń paıdasyna toqtaldy. Iaǵnı fermadaǵy taýyqtardy satýdan túsken qarjy qaıyrymdylyqqa jumsalady, et kúıinde muqtaj otbasylarǵa taratylady. Bul jobany aldaǵy ýaqytta elimizdiń ózge óńirlerinde, ásirese ońtústik aımaqtarda iske asyrý kózdelip otyr. Al atalmysh shaǵyn fermada qazirgi tańda 708 taýyq ósirildi.

Sondaı-aq Bas múftı Naýryzbaı qajy Taǵanuly qurastyrylmaly baspana jobasymen de tanysty. Onyń maqsaty – túrli sebeptermen úısiz qalǵan otbasylardy qoldaý maqsatynda ýaqytsha baspanamen qamtamasyz etý. QMDB Tóraǵasy «Zeket jáne qaıyrymdylyq» qorynyń atalmysh jobalaryna sáttilik tilep, ıgi iske atsalysqan azamattarǵa rızashylyǵyn jetkizdi.