QMDB TÓRAǴASY QHA SESSIIaSYNA QATYSTY
Búgin Memleket basshysy Qasym-Jomart Toqaev Qazaqstan halqy Assambleıasynyń «Birlik. Jasampazdyq. Órleý» atty HHHIII sessııasyn ótkizdi.
Jıynǵa Parlament Senatyna QHA qatarynan saılanǵan depýtattar, respýblıkalyq Etnomádenı birlestikterdiń jetekshileri men músheleri, Assambleıanyń eriktileri, sondaı-aq beınebaılanys arqyly Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly men Uıymnyń óńirlerdegi delegattary qatysty.
Qasym-Jomart Toqaev Assambleıanyń búgingi sessııasy «Birlik. Jasampazdyq. Órleý» dep atalǵanyn, barsha halqymyzdyń strategııalyq baǵdarynyń túpki mánin osy úsh uǵym dál ári naqty bildiretinin, birlik pen yntymaq basty qundylyǵymyz jáne memlekettik saıasattyń buljymas baǵdary bolyp qala beretinin aıtty.
Memleket basshysy sózin qorytyndylaı kele, elimiz sońǵy jyldary asa kúrdeli synaqtardyń taǵy bir tarıhı kezeńin bastan ótkerip jatqanyn aıtyp, birlik pen yntymaqtyń arqasynda bul qıyndyqtyń bárin jeńetinimizge, shynyǵyp, shırap, burynǵydan da myqty bolyp shyǵatynymyzǵa senim bildirdi.
– Tarıh toǵystyrǵan taǵdyrymyz – bir, senimmen qadam basatyn keleshegimiz – bir. Biz birtutas ult retinde árdaıym babalar amanatyna adal bolamyz. Qasıetti qara shańyraǵymyz – Qazaqstannyń jarqyn bolashaǵyn birge jasaımyz. Bizdiń maqsatymyz – aıqyn, bul – Ádiletti Qazaqstandy qurý. Men Qazaqstan Respýblıkasynyń Táýelsizdigin qorǵaýdy Prezıdent retindegi eń basty mindetim dep sanaımyn, – dedi Qasym-Jomart Toqaev.
