QMDB TÓRAǴASY QULSARY TURǴYNDARYMEN KEZDESTI (FOTO)

12 sáýіr 2024 651 0
Оqý rejımi

Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Atyraý oblysyna barǵan saparynda Jylyoı aýdany Qulsary qalasynyń turǵyndarymen kezdesti.

Halyqqa nasıhat aıtqan Bas múftı: «Ómir synaq alańy bolǵandyqtan adam balasynyń basyna qýanyshty jaǵdaılarmen birge qaıǵynyń da qatarlasyp keletini belgili. Eshbir pende óz ómirine Alla Taǵaladan taýqymet pen synaqty surap almaıtyny anyq. Alaıda musylman óz basyna synaq kelgen jaǵdaıda oǵan sabyr etýi qajet. Kez kelgen ıgi istiń belgili saýaby bolady. Nıettiń shynaıylyǵyna oraı on eseden jeti júz esege deıin saýaby eselenip beriledi. Al qıyndyqqa shynaıy sabyr etýdiń saýaby áldeqaıda kóp bolmaq. Alla Taǵala «Zúmár» súresiniń 10-aıatynda: «Rasynda qıyndyqtarǵa moıymaı sabyrlyq tanytqan jigerli jandarǵa syı-sııapattary (saýaby) esepsiz beriledi» degen. Qıynshylyq sońynda qaıyr-jaqsylyq bolatynyn umytpaý kerek. Óıtkeni Alla Taǵala «Sharh» súresinde: «Negizinde aýyrlyqpen birge bir jeńildik bar. Shyn máninde qıynshylyqpen birge bir jeńildik bar» degen. Alla Taǵala osy synaqtyń sońyn jaqsylyqqa ulastyrǵaı. Ámın» dedi.

Aıta ketsek, QMDB ókilderi Aqtóbe, Atyraý, BQO, Qostanaı, Qaraǵandy, Ulytaý oblystaryna 100,1 tonna un, 43 tonna un-jarma (kúrish, qaraqumyq, makaron, qant), 9 tonna kúnbaǵys maıyn t.b. jetkizdi. Budan bólek 10 kún ishinde «Sý tasqynynan zardap shekkenderge shuǵyl kómek qaıyrymdylyq kerýeni» aktsııasy aıasynda 18 júk tasymaldaıtyn fýra, 77 «GAZel» azyq-túlik, turmystyq zattar, qural-saımandar, kórpe-tósek, kıim-keshek jetkizildi.

Pіkіrler Kіrý