QMDB tóraǵasy Tarazda jańa meshittiń ashylý rəsimine qatysty (FOTO+VIDEO)

Búgin Taraz qalasynda jańa meshit jamaǵatqa esigin aıqara ashty.

Alla úıiniń ashylýyna Qazaqstan musylmandary dinı basqarmasynyń tóraǵasy Serikbaı qajy Oraz qatysty.

Qulshylyq úıiniń ashylý rəsiminde sóz alǵan Bas múftı Serikbaı qajy Satybaldyuly:

"Alla Taǵala meshit salǵan adamnyń dərejesin eki dúnıede de arttyryp qoıady. Alla úıin turǵyzýǵa tıtimdeı bolsyn úles qosqan pendeler de saýaptan kende qalmaıdy. Paıǵambar hadısinde: "Alla Taǵala meshit salǵan qulyna jənnatta saraı turǵyzady", - degen. Allaǵa shúkir, egemendik alǵan jyldardan bastap osyndaı kúmbezdi meshitterdiń qatary kóbeıdi. Halqymyz: "Azany bar aýyl azbaıdy", - degen. Jańa meshit Jambyl oblysy jurtshylyǵynyń ıgiligi men birligi úshin, ımandylyǵy men rýhanı damýyna qyzmet etedi degen senimdemin. Qulshylyq úıi barshamyzǵa qutty bolsyn", - dep atap ótti.

Saltanatty is-shara sońynda QMDB tóraǵasy "Nəmetbaı" meshitiniń bas ımamyna qasıetti Quran kitabyn syıǵa tartty.

Aıta keteıik, jańa meshitte bir mezette 800 adam qulshylyǵyn óteı alady.