QMDB TÓRAǴASY TÚRKIIa DIN ISTERI BASQARMASYNYŃ TÓRAǴASYMEN KEZDESTI

Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanuly Túrkııa Respýblıkasyna jumys sapary barysynda Túrkııa Din isteri basqarmasynyń Tóraǵasy, professor, doktor Safı Arpagýshpen kezdesti.

Kezdesýde Bas múftı Safı Arpagýshti jańa qyzmetimen quttyqtap, Qazaqstan musylmandary dinı basqarmasy men Túrkııa Din isteri basqarmasy arasyndaǵy baýyrlastyq baılanystar men rýhanı seriktestiktiń jyldan-jylǵa nyǵaıyp kele jatqanyn atap ótti.

Atalǵan kezdesýge Qazaqstan Respýblıkasynyń Túrkııa Respýblıkasyndaǵy Tótenshe jáne Ókiletti Elshisi Erkebulan Sapıev, sondaı-aq Qazaqstan musylmandary dinı basqarmasynyń delegatsııa músheleri qatysty.

Bas múftı Túrkııada Qoja Ahmet Iasaýı murasyna arnalǵan ǵylymı-tanymdyq konferentsııa ótkizýdi, QMDB janyndaǵy Ýaqyp qorynyń jumysyn damytý maqsatynda tájirıbe almasýdy jáne din qyzmetkerlerine qyraǵat pen maqam boıynsha arnaıy kýrs uıymdastyrýdy usyndy.

Sondaı-aq Naýryzbaı qajy Taǵanuly «Hasekı» akademııasynda qazaqstandyq shákirtterdiń bilim alýyna kórsetilip kele jatqan qoldaý úshin rızashylyǵyn bildirdi. 2013 jyldan beri atalǵan akademııany 129 qazaqstandyq shákirt támamdaǵanyn atap ótti.

Kezdesý sońynda taraptar Túrki memleketteri uıymy Múftıler alqasy aıasyndaǵy ortaq jobalardy júzege asyryp, eki el arasyndaǵy rýhanı yntymaqtastyqty odan ári nyǵaıtýǵa nıetti ekenin jetkizdi.



​