QMDB TÓRAǴASY ÝNIVERSITET STÝDENTTERINE DÁRIS OQYDY (FOTO)

Búgin Bas múftı Naýryzbaı qajy Taǵanuly Shymkent qalasyna barǵan jumys saparynda Ońtústik Qazaqstan memlekettik pedagogıkalyq ýnıversıtetiniń stýdentterine dáris oqydy.

Aldymen ýnıversıtet rektory Gúljan Dáýletbekqyzy oqý ordasynyń tarıhy men búgingi jumysymen tanystyrdy.  

Stýdenttermen kezdesýde Bas múftı: «Asyl – tastan, aqyl – jastan» degendeı, qaı qoǵamda da jastar jańarýǵa, jaqsarýǵa umtylyp, negizgi qozǵaýshy kúshke aınalǵan. Asyl dinimiz Islam jastarǵa erekshe mańyz beredi. Mysaly, Quran Kárimdegi «Káhf» súresinde ımanyn saqtap, úńgirge jasyrynǵan jastardyń oqıǵasy baıandalady. «Olar ıman keltirgen jastar edi» dep sıpattalady. Sol jastardyń oqıǵasy keıingi tolqyndarǵa úlgi retinde kórsetildi. Jıyrmasynshy ǵasyrdyń bas sheninde erekshe belsendiligimen tarıh sahnasyna shyqqan qazaq zııalylarynyń da basym bóligi jastar bolatyn. Sondyqtan jas kezimizdi jaqsy isterge arnap, bilim alýǵa talpynýymyz tıis», – dedi.

Ýnıversıtet rektory Gúljan Dáýletbekqyzy stýdentterge ǵıbratty dáris oqyǵan Bas múftıge alǵys bildirdi.

Aıta ketsek, búginde Ońtústik Qazaqstan memlekettik pedagogıkalyq ýnıversıtetiniń 7 fakýltetinde 7 myńnan astam stýdent bilim alýda.

​