QMDB TÓRAǴASY JETI BAǴYT BOIYNShA JUMYS ESEBIN TYŃDADY (FOTO)
Elordada Bas múftı Naýryzbaı qajy Taǵanulynyń tóraǵalyǵymen Qazaqstan musylmandary dinı basqarmasynyń kezekti Apparat jınalysy ótti. Onda qańtar-tamyz aılarynda jeti baǵyt boıynsha atqarylǵan jumys esebi tyńdaldy.
QMDB Tóraǵasyna bólim basshylary Sansyzbaı Qurbanuly, Hasan Amanqul, Smaıyl Seıitbekov, Batyrjan Mansurov, Nurbek Esmaǵanbet, Aǵabek Qonarbaıuly men «Ýaqyp» qorynyń basqarma tóraǵasy Ardaq Orazbaev múftııat jumysynyń negizgi jeti baǵyty boıynsha segiz aılyq esepti baıandap, atqarylǵan ıgi isterge keńinen toqtaldy.
«Biz 2022 jyldy «Islam – yntymaq pen birlik dini» jyly dep jarııalap, osyǵan oraı jumystyń negizgi baǵytyn bekitken edik. Bul rette Dinı basqarmanyń bólim basshylary men mamandarynyń, elimizdiń túkpir-túkpirindegi ókildik ımamdarynyń, jalpy din qyzmetkerleriniń atqarǵan jumystaryna rızashylyǵymdy bildiremin. Sondaı-aq din jolyndaǵy ıgi isterimizdi odan ári jetildirip, berilgen tapsyrmalarǵa jaýapkershilikpen qaraýǵa, ony yjdahattylyqpen oryndaýǵa shaqyramyn» dedi Naýryzbaı qajy Taǵanuly.
Bas múftı jıyn sońynda bólim basshylaryna naqty tapsyrmalar berip, jyl sońyna deıin josparlanǵan aıtýly sharalardy ýaqytynda oryndaýdy tapsyrdy.
