QMDB TÓRAǴASY: JUMYSTYŃ NEGIZGI TÓRT BAǴYTYNA BASYMDYQ BEREMIZ
Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Astana qalasynda din qyzmetkerlerine joldaǵan Baǵdarlyq baıandamasynda osylaı málimdedi.
«Ózderińizge belgili, biz jyl saıyn atqaratyn jumystarymyzdyń negizgi baǵyttaryna basymdyq berip kelemiz. Bul ıgi bastama dinı salada úlken tájirıbe jınaýǵa múmkindik berýde. Jumys nátıjesi men jınaqtaǵan tájirıbemizdi eskere kele, 2026 jyly negizgi 4 baǵyttaǵy jumystarǵa, atap aıtqanda, ıhsan jáne nasıhat, dinı oqý-aǵartý, dástúr jáne otbasy, jat dinı aǵymdardan saqtandyrý is-sharalaryna basymdyq beremiz»,- dedi Bas múftı.
