QMDB tóraǵasynyń orynbasary jańa saıttyń tehnıkalyq múmkindikterin atap ótti
Búgin Ortalyq Kommýnıkatsııalar qyzmetinde brıfıngte naıb múftı Ershat Ońǵarov jańadan iske qosylǵan qurban2020.kz saıtynyń tehnıkalyq múmkindigine toqtaldy.
Halyqtyń ótinishin eskere kele Bas múftıdiń tapsyrmasymen iske qosylǵan saıtqa qazirdiń ózinde ótinish berý bastaldy. Munda elimizdiń búkil aımaǵy qamtylǵan.
«Saıt qurban shalýǵa ótinishtermen qosa muqtajdardyń da ótinishin qabyldaıdy. Iaǵnı siz ózińizdiń az qamtylǵan otbasy ekenińizdi dáleldeıtin qujatyńyzdy da saıtqa salasyz. Keıin ótinish qabyldanǵan soń soıylǵan etti eriktiler muqtaj jandarǵa jetkizedi. Odan bólek Siz shalynatyn maldy kórem deseńiz bizdiń mamandar foto-vıdeo túrinde kórsetilgen nómirge SMS-habarlama jiberedi», - dedi QMDB tóraǵasynyń orynbasary Ershat Aǵybaıuly.
Bir eskeretini bıylǵy qurbandyqqa tapsyrys tek kaspigold bankiniń kartasy arqyly qabyldanady. Bul birinshi kezekte atalǵan bankpen jasalǵan kelisimge saı bolyp otyr. Óıtkeni bank tapsyrys berýshiniń barlyq esebin usynady.
