QMDB UJYMY KAIRDEGI STÝDENTTERDIŃ TYNYS-TIRShILIGIMEN TANYSTY (FOTO)
Mysyr Arab Respýblıkasyna resmı saparmen barǵan Qazaqstan musylmandary dinı basqarmasy delegatsııasy Kaırde dinı bilim alyp jatqan qazaqstandyq stýdentterdiń tynys-tirshiligimen tanysyp, nasıhat aıtty.
QMDB-nyń Mysyrdaǵy jaýapty ókili Rýslan Serǵazıev delegatsııa múshelerine bolashaq ımamdardyń kúndelikti tirshiligi, otbasy ahýaly, oqý úlgerimi jaıly baıandap berdi. Múftııat ujymy shákirtterge tıisti nusqamalar berip, keńesterin bólisti. QMDB Apparat basshysy Ǵylymbek Májıev Bas múftı Naýryzbaı qajy Taǵanuly shetelde bilim alyp jatqan jastarǵa erekshe kóńil bólip otyrǵanyn atap ótti.
«Dinı basqarma sizderge jan-jaqty qoldaý kórsetýdi jalǵastyra beredi. Elimizdegi dinı salanyń damýyna sizder de súbeli úles qosady degen senimdemiz. Oqýdy ozat bitirgen soń Otanymyzǵa oralyp, elimizdiń ıgiligi úshin belsendi túrde qyzmet etýlerińizge tilektespin» dedi Apparat basshysy.
Igi basqosýda QMDB Dinı bilim jáne kadr daıarlaý bóliminiń meńgerýshisi Smaıyl Seıitbekov pen Abaı oblysynyń bas ımamy, ál-Azhar túlegi Asqar Muqanov dinge, halyqqa qyzmet etýdiń saýaby men mańyzy jaıly ýaǵyz aıtty.
