QMDB «Zeket» qaıyrymdylyq qorynyń kezekti kómegi Arysqa jetkizildi (FOTO)

QMDB «Zeket» qaıyrymdylyq qory men óńirlerdegi ókilderiniń birigýimen Arys halqyna kezekti kómek jetkizildi. Jalǵasyn tapqan «Arysqa jylý» shara aıasynda azyq-túlik ónimderi men kerek-jaraqtar úlestirildi.

Astanadan joldanǵan amanatty Túrkistan oblysynyń ókil ımamy Musabek Aqtamberdi kútip aldy. Arystyqtarǵa «Zeket» qorynyń dırektory Talǵat Omarovtyń sálemin jetkizdi. Al járdemge qoly jetken arystyq analar alǵystaryn aıtyp qaldy.

Sonymen qatar, «Arysqa kómek» atty is-sharany qoldaı otyra, Shymkent qalasynyń Damý qorynyń esep-shotyna Nur-Sultan qalasy QMDB «Zeket» korporatıvtik qorynyń Bas keńsesinen qomaqty qarjy da aýdaryldy. Bul – QMDB «Zeket» qorynyń óńirlerdegi ókildikterimen birlese otyryp qaıyrymdylyq iske qosqan úlesteriniń bir bóligi.

Buǵan deıin jıyrmadan astam kómek kerýeni men qarjylaı járdem kórsetilgen bolatyn.

Bas Múftı Serikbaı Oraz aıtqandaı, bul oqıǵa barsha azamatty qaıyrymdylyq isinde biriktirip, sondaı-aq baýyrmashyldyǵyn arttyrýda.

Judyryqtaı jumyla ortaq júkti kóterisip, jylýlaryn aıamaǵan barsha azamattarǵa Alla razy bolsyn!