QMDB «Zeket» qory aýrýhanalarǵa 255 dana ottegi jeldetkishin tabystady
Bul týraly QMDB tóraǵasy, Bas múftı Naýryzbaı qajy Taǵanuly Ortalyq kommýnıkatsııalar qyzmetinde ótken baspasóz brıfınginde málimdedi.
–Biz el basyna kún týǵanda asarlatyp, jylý jınap, qaıyrymdylyq isinde shet qalmaǵan halyqpyz. Qazaqstan musylmandary dinı basqarmasyna qarasty «Zeket» qory «Ómirge úmit syıla» atty aktsııasyn uıymdastyryp, jamaǵat pen demeýshi azamattardyń kómegimen 255 dana ottegi jeldetkishin elimizdegi aýrýhanalarǵa jetkizdi. Dinı basqarmanyń muryndyq bolýymen 200 000-nan astam otbasylarǵa azyq-túlik, 42 000-nan astam medıtsınalyq betperdeler taratyldy, - dedi Bas múftı.
Buǵan deıin atalǵan baspasóz brıfınginde QMDB tóraǵasy, Bas múftı Naýryzbaı qajy Taǵanulynyń bıylǵy qurban shalýdyń ereksheligine toqtalǵanyn habarlaǵan bolatynbyz.
