QMDB JANYNDAǴY SARAPShYLAR KEŃESINIŃ V MÁJILISI ÓTTI (FOTO)
Túrkistan qalasynda Bas múftı Naýryzbaı qajy Taǵanulynyń tóraǵalyǵymen Qazaqstan musylmandary dinı basqarmasy janyndaǵy Sarapshylar keńesiniń V májilisi ótti.
Jıynǵa Aqparat jáne qoǵamdyq damý vıtse-mınıstri Qanat Ysqaqov pen Din isteri komıtetiniń tóraǵasy Erjan Núkejanov arnaıy qatysty. Keńestiń kezekti otyrysynda Bas múftı Naýryzbaı qajy Taǵanuly: «Ózderińizge belgili, Túrkistan tórinde balalarǵa zorlyq-zombylyq jasaýdyń aldyn alý, sebep-saldarymen kúresý jóninde dóńgelek ústel ótti. Túrli pikirler aıtylyp, túıtkildi másele jan-jaqty talqylandy. Urpaq tárbıesi, balalarymyzdyń bolashaǵy din mamandary úshin de árdaıym kún tártibinen túspeıdi. Buǵan deıin Memleket basshysy Qasym-Jomart Toqaev halqymyzdyń dúnıetanymyna saı dástúrli ıslamdy dáripteý asa mańyzdy ekenin, óskeleń urpaqtyń rýhanı tárbıesin nazardan tys qaldyrýǵa bolmaıtynyn erekshe atap ótti. Endeshe bala tárbıesi, olarǵa qııanat jasamaýǵa qatysty sizderdiń de pikirlerińiz mańyzdy» dedi.
Aıta keteıik, jıynda balalardyń rýhanı tárbıesinen bólek, dinı baǵyttaǵy birneshe másele talqylandy. Sarapshylar din atyn jamylǵan jat aǵymdarmen kúres, izgi qoǵam qalyptastyrý, otbasy jáne taǵy basqa da qoǵamdyq máselelerge qatysty oı-pikirlerin ortaǵa saldy.
