QMDB: «Jastar isi sektory» 5 aıda 1291 qaıyrymdylyq sharasyn ótkizdi (FOTO)
Qazaqstan musylmandary dinı basqarmasynyń «Jastar isi sektory» elimizde pandemııa bastalǵannan beri barlyq jumystardy onlaın formatqa aýystyryp, sońǵy 5 aı aralyǵynda birshama sharalar atqardy.
Atap aıtar bolsaq, respýblıka boıynsha 1433 onlaın-ýaǵyz-nasıhat sharalary, 1352 onlaın-dárister jáne 6500-ge jýyq eriktilerdiń qatysýymen 1291 qaıyrymdylyq sharasy ótkizildi.
Jastarǵa aıtylǵan nasıhat «Bos ýaqytty utymdy paıdalaný», «Nápil namazdardyń mańyzdylyǵy», «Kitap oqýdyń paıdalary», «Tártipke baǵynǵan qul bolmaıdy», «Jastardyń ıslamdaǵy orny», «Otbasy qundylyqtary», «Ar-uıat – ımandylyqtyń belgisi», «Birinshi baılyq – densaýlyq» jáne t.b taqyryptardy qamtydy.
Sonymen qatar «Tádjýıd qaǵıdalary», «Aqıda jáne fıqh dáristeri», «Quran jáne hadıs tápsirleri», «Din men dástúr 2» jáne t.b. kitaptardan dárister júrgizildi. Odan bólek, elge tanymal tulǵalarmen 23 vıdeo-suhbat túsirilip, áleýmettik jeli qoldanýshylarynyń nazaryna usynyldy.
Qaıyrymdylyq sharalarynda da jastardyń belsendiligi aıqyn kórindi. Máselen, «SAÝLYQ» jobasy aıasynda dertke shaldyqqan jandarǵa, kembaǵal-múgedekterge zııarat jasalyp, olar azyq-túlikpen, maskamen, antıseptıkpen qamtamasyz etildi. Kóshede betperdesiz júrgen adamdarǵa bir rettik betperdeler tegin taratyldy. Sonymen birge eriktilerdi jumyldyra otyryp, muqtaj jandardyń dári-dármekterine azyn-aýlaq qarajat berilip, jumyssyz qalǵan otbasylarǵa azyq-túligine qarajat aýdaryldy.
