QMDB JASTARY «MEREILI OTBASY – 2026» BAIQAÝYNYŃ MARAPATTAÝ RÁSIMINE QATYSTY

Astanada Qazaqstan Respýblıkasy Mádenıet jáne aqparat mınıstrliginiń uıymdastyrýymen «Mereıli otbasy – 2026» ulttyq baıqaýy jeńimpazdaryn marapattaý rásimi ótti.

Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanulynyń tapsyrmasymen  atalǵan sharaǵa QMDB Jastar isi sektorynyń meńgerýshisi Nurbolat Sovethanov, Astana qalasy ókildiginiń jaýapty mamany Shalqar Joldy jáne sektor jastary qatysty.

Jıynda elimizdiń ár óńirinen iriktelgen, otbasy qundylyqtaryn dáriptep, urpaq tárbıesinde ónege kórsetip júrgen 20 otbasy marapattaldy. Jeńimpazdarǵa 2 mıllıon teńgeniń sertıfıkaty men estelik syılyqtary tabystaldy.

Is-shara barysynda otbasynyń qoǵamdaǵy orny, ata-ananyń bala tárbıesindegi jaýapkershiligi, ulttyq dástúr men rýhanı qundylyqtardyń urpaq sanasyna sińirilýi sekildi mańyzdy máselelerge nazar aýdaryldy.

Aıta keteıik, Qazaqstan musylmandary dinı basqarmasy otbasy ınstıtýtyn nyǵaıtýǵa, otbasy músheleri arasyndaǵy syılastyq pen ózara túsinistikti arttyrýǵa, rýhanı qundylyqtardy nasıhattaýǵa eleýli úles qosyp keledi. Osy baǵytta QMDB-nyń Din men dástúr bólimi jáne Áıel-qyzdar sektory otbasylyq tárbıege, urpaqtar sabaqtastyǵyna jáne ulttyq qundylyqtardy dáripteýge arnalǵan is-sharalardy turaqty uıymdastyrýda.