QMDB jýrnalısteriniń «Izgilik jarshysy» medıaforýmy bastaldy (FOTO)

Búgin elordadaǵy QMDB ǵımaratynda «Islam – yntymaq pen birlik dini» jyly aıasynda «Izgilik jarshysy» taqyrybyndaǵy múftııat jýrnalısteriniń respýblıkalyq medıaforýmy bastaldy.

Jıyn Quran aıattaryn oqýmen bastalyp, din men medıa jaıly arnaıy daıyndalǵan beınerolık kórsetildi.

Múftııat jýrnalısteriniń medıaforýmyna QMDB Tóraǵasy, Bas múftı Naýryzbaı qajy Taǵanuly, «Egemen Qazaqstan» respýblıkalyq gazetiniń Bas redaktory Ǵabıt Músirep, «Aıqyn» gazetiniń Bas redaktory Amangeldi Qurmetuly, «Túrkistan» gazetiniń Bas redaktory Baýyrjan Babajanuly, «Astana aqshamy» gazetiniń shef-redaktory Tólen Tileýbaı jáne belgili telejýrnalıst, tanymal dıktor Zeıin Álipbek, sonymen qatar QMDB-nyń aımaqtardaǵy baspasóz ókilderi qatysýda.

Aıta keteıik, «Izgilik jarshysy» forýmynda dinı jýrnalıstıkanyń aqparat aıdynyndaǵy orny, jańa medıanyń jańalyqtary, shynaıy aqparatty anyqtaý tásilderi, jalǵan dinı urandardan saqtaný joldary t.b taqyryptarynda baıandama jasalmaq.