QMDB jýrnalısteriniń medıa forýmy ótedi

2022 jyldyń 21 maýsymynda elordada Qazaqstan musylmandary dinı basqarmasy jarııalaǵan «Islam – yntymaq pen birlik dini» jyly aıasynda «Izgilik jarshysy» QMDB jýrnalısteriniń respýblıkalyq medıa forýmy ótedi.

Áleýmettik jelini qoldaný ádebi, shynaıy aqparatty anyqtaý tásilderi, jalǵan dinı urandardan saqtaný syndy taqyryptardy qamtıtyn medıa forýmǵa QMDB Tóraǵasy, Bas múftı Naýryzbaı qajy Taǵanuly, «Egemen Qazaqstan» respýblıkalyq gazetiniń Bas redaktory Ǵabıt Músirep, «Aıqyn» gazetiniń Bas redaktory Amangeldi Qurmetuly, «Túrkistan» gazetiniń Bas redaktory Baýyrjan Babajanuly, «Astana aqshamy» gazetiniń shef-redaktory Tólen Tileýbaı jáne tanymal dıktor Zeıin Álipbek, sonymen qatar QMDB-nyń aımaqtardaǵy baspasóz ókilderi qatysady.