QOSTANAI OBLYSYNDA BAS MÚFTIDIŃ QATYSÝYMEN QAIYRYMDYLYQ IS-ShARASY ÓTTI (FOTO)
Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Qostanaı oblysy Áýlıekól aýdandyq «Ámıt ıshan» meshitinde qaıyrymdylyq is-sharasyna qatysty.
Bas múftı halyqty tosynnan kelgen synaqqa sabyr etýge shaqyryp: «Qostanaı oblysynda bolyp jatqan tabıǵı apat bárimizdiń janymyzǵa batýda. Biz, din qyzmetkerleri órt saldarynan zardap shekken jandarmen birgemiz. Búgin osy óńirge arnaıy kelip, qaıyrymdylyq aktsııasyn uıymdastyryp jatyrmyz. Elimiz boıynsha meshitterde duǵa jasalýda. Alla Taǵala tilsiz jaýdy tezirek aýyzdyqtaýdy násip etkeı. Jaraqat alǵan jandardyń jýyq arada saýyǵyp ketýin tileımiz. Elimiz aman, jurtymyz tynysh bolǵaı» – dedi.
Aıta ketsek, qaıyrymdylyq aktsııa aıasynda 120 otbasyna áleýmettik mańyzy bar azyq-túlik taratyldy.
