QOSTANAI: SÝ BASQAN AIMAQ TURǴYNDARYNA KÓMEK BERILDI (FOTO)
Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanulynyń tapsyrmasymen Qostanaı oblysynyń Arqalyq qalasy, Jangeldın jáne Amangeldi aýdandarynda sý tasqynynan zardap shekken otbasylarǵa «Zeket jáne qaıyrymdylyq» qorynyń uıymdastyrýymen azyq-túlik jáne kıim-keshek jetkizildi.
Al Qostanaı oblysynyń bas ımamy Bahytbek Tájimbet sý basqan aımaqtarǵa baryp, bolǵan jaıdy óz kózimen kórdi. Jergilikti turǵyndardyń hal-jaǵdaıymen tanysyp, halyqtan jınalǵan azyq-túlik pen qajetti zattardy taratty. Óńirdegi isker azamattar da laıyqty úlesterin qosty. Mysaly, «Best Uno» jáne «Olja agro» jaýapkershiligi shekteýli seriktestikteriniń de basshylary da un jáne basqa da tutynatyn taýarlarmen demeýshilik jasady.
