QOSTANAI: ÚISIZ QALǴAN JANDAR MEShITTERGE ORNALASTYRYLDY (FOTO)
Qostanaı oblysynyń Áýlıekól aýdandyq meshit ımamdary úıin órt jalmaǵan jandarǵa rýhanı turǵydan qoldaý kórsetip, as-aýqat berýde.
Tótenshe jaǵdaılar mınıstrliginiń habarlaýynsha, Áýlıekóldegi órt aýmaǵy 9 myń gektardan asty. Sondaı-aq birneshe turǵyn úıler de órtke orandy. Órtten Amanqaraǵaı, Kalının, Lesnoe, Ozernoe aýyldarynan barlyǵy 1841 adam Evakýatsııalandy. Tabıǵı apat saldarynan jaraqat alǵandar men adam shyǵyny joq. Qazirgi ýaqytta oqıǵa boıynsha arnaıy komıssııa quryldy. Komıssııa sheshimine sáıkes tabıǵı apattan zardap shekkenderdiń (úı-jaıy órtengen turǵyndarǵa) barlyǵyna qajetti kómek kórsetiledi.
Eske sala keteıik, Bas múftı Naýryzbaı qajy Taǵanulynyń bastamasymen elimiz boıynsha meshitterde duǵa etý, salaýat aıtý rásimi ótýde. Sondaı-aq úısiz qalǵan jandar meshitterge ornalastyrylyp, ımamdar qoldan kelgen kómegin kórsetýde.
