«QUDAIY AS – JARYS EMES, SAÝAP» TAQYRYBYNDA ÝAǴYZ AITYLDY

QMDB Astana qalasy ókildigine qarasty «Sádýaqas qajy Ǵylmanı» meshitinde áıel-qyzdar jamaǵatyna arnalǵan rýhanı kezdesý ótti. Kezdesý barysynda meshit ustazy Aıdana Ábdimájitqyzy «Qudaıy as – jarys emes, saýap» taqyrybynda taǵylymdy ýaǵyz aıtty.

Ýaǵyz barysynda qudaıy as berýdiń negizgi maqsaty, marqumdarǵa duǵa jasaý, as berý kezindegi ysyrapshyldyqqa jol bermeý, qarapaıymdylyq pen shynaıy nıettiń mańyzdylyǵy túsindirildi.

Sondaı-aq jamaǵatqa as berýdi básekege aınaldyrmaı, ulttyq dástúr men sharıǵat talaptaryn úılestire otyryp ótkizý qajettigi nasıhattaldy. Rýhanı kezdesýge qatysqan áıel-qyzdar paıdaly maǵlumat alyp, taǵylymdy nasıhat tyńdady.

Источник: Aisha