Quran súreleriniń tápsirin baıandaıtyn taraýıh ýaǵyzdary bastaldy (VIDEO)

Qasıetti Ramazan aıynyń alǵashqy kúnderinen bastaý alǵan taraýıh namazdary respýblıkalyq «Áziret Sultan» meshitinde bıylǵy jyly erekshe nusqada ótetin bolmaq. Ár kún saıyn taraýıh namazdarynan soń kúndelikti oqylatyn Quran súreleriniń tápsiri aıtylyp, jamaǵatty qulshylyqqa qulshyndyrýmen qatar, Quran aıattarynyń túsý tarıhy men jalpy maǵynasyn baıandaıtyn ýaǵyz aıtylyp otyratyn bolady.

Osylaı dep bastama kótergen QMDB tóraǵasynyń birinshi orynbasary, naıb múftı, «Áziret Sultan» meshitiniń bas ımamy Naýryzbaı qajy Taǵanuly alǵashqy taraýıh ýaǵyzyn ózi júrgizip, jamaǵatqa «Fatıha» jáne «Baqara» súresiniń qadir-qasıetin túsindirip ótti. Aıta keteıik, meshit jamaǵatynyń dinı bilimin tolyqtyryp, qasıetti Qurandy tanyp-bilýge, maǵynasyn jete túsinýge jeteleıtin taraýıh namazdary Ramazan aıy boıy jalǵasatyn bolady.