QURANǴA TÚSKEN ÁIEL ShÁKIRTTERGE QURMET KÓRSETILDI (FOTO)
Astana qalasyndaǵy «Áziret Sultan» meshitiniń Quranǵa túsken áıel shákirtterine «Quranmen qaýyshý» sharasy ótkizildi. Quran álippesi men tádjýıd erejelerin úzdik aıaqtaǵan 45 shákirtke meshit ustazdary qasıetti Quran kitabyn syıǵa tartty. Bul joly syılyqty tabystaý Quran oqý tobynyń shákirtterine berildi.
Top jetekshisi ustaz Zarına Shamıdýllaqyzynyń bastamasymen shákirtterge estelik táj kıgizildi. «Qurandy tolyq jattaǵan qarıdyń ata-anasyna jánnatta táj kıgiziledi. Búgingi yrym etip taqqan tájimiz qııamette Quran jattaǵan qarılarǵa beriler tartýǵa ulassyn!», – dedi ol.
Meshit ustazdary Ásel Dúısebekqyzy men Mýhlısa Saıdýlaqyzy shákirtterge búgingi sharanyń mán-mańyzyn túsindirip, dinı bilim jolyndaǵy alǵashqy belesterimen quttyqtady. Quran oqýdyń paıdasy men saýaby jaıynda nasıhat aıtyp, izgi tilekterin bildirdi.
Saltanatty rásim sońy shaǵban orazasynyń aýyzashar dastarhanyna ulasty.
Источник: Aidos
