Qurban aıt merekesine oraı qaıyrymdylyq semınar-trenıng uıymdastyryldy (FOTO)

Qasıetti Qurban aıt merekesiniń qurmetine oraı respýblıkalyq «Áziret Sultan» meshitiniń Áıel-qyzdar sektorynyń uıymdastyrýymen «Álemdi áıel terbeter» atty qaıyrymdylyq semınar-trenıng bolyp ótti. Aıt merekesiniń sońǵy kúnine oraılastyrylǵan semınar-trenıngke qaladaǵy jeti meshit boıynsha 70-ke jýyq qyz-kelinshek qatysyp, túrli sala mamandarynan dáris tyńdap, jumys tásilderin úırendi.

Ustazdardyń uıytqy bolýymen semınarǵa qatysýshylarǵa arnaıy aıttyq dastarhany jaıylyp, saýapty shara merekelik kóńil-kúımen árlendi. Semınar-trenıng barysynda qatysýshylarǵa neıropsıholog Gúlnur Temirbekqyzy, Aıgúl Saýranqyzy jáne «Áziret Sultan» meshitiniń ustazdary Zarına Júkenova men Elmıra Buharbaevalar áıelge qatysty túrli taqyryptar boıynsha mol maǵlumattar berdi.

Shara sońynda semınarǵa qatysýshylarǵa arnaıy syılyq sómkeleri úlestirildi.

Sýretterdi «FOTOGALEREIa» aıdarynan kóre alasyzdar!