«Qurban aıt – ulyq mereke» atty onlaın shara ótti
Búgin, Qurban aıttyń alǵashqy kúni QMDB óziniń youtube jáne ınstagram paraqshalary arqyly «Qurban aıt – ulyq mereke» atty nasıhattyq baǵyttaǵy onlaın shara uıymdastyrdy.
Nur-Sultan ýaqytymen 08:00 men 09:00 aralyǵynda ótken merekelik baǵdarlama QMDB Tóraǵasy, Bas múftı Naýryzbaı qajy Taǵanulynyń Qurban aıt merekesine arnalǵan aqjarma tilegimen ashyldy.
Sondaı-aq qashyqtan (onlaın) qurban shalýdyń ereksheligi (QMDB Tóraǵasynyń orynbasary, naıb múftı Ershat Ońǵarov), qurban shalýdyń tarıhy (QMDB Dinı bilim jáne kadr daıarlaý bóliminiń meńgerýshisi Smaıyl Seıtbekov), qurban shalýdyń sharttary (QMDB Sharıǵat jáne pátýa bólimi meńgerýshisiniń orynbasary Hasan Amanqulov) jaıly ádemi áńgime órbidi.
Baǵdarlama barysynda Ákim Tarazı, Nurtóre Júsip, Darhan Qydyráli, Dıhan Qamzabekuly sekildi el aǵalary Qazaqstan musylmandaryn Qurban aıt merekesimen quttyqtap, jyly lebizin bildirdi.
