QURBAN AIT: JUMYS TOBY MAL BAZARLARYN ARALADY (FOTO)

Qurban Aıttyń alǵashqy kúni QMDB janynan qurylǵan jumys toby mal bazarlaryn aralap, jaǵdaımen tanysty.

QMDB Tóraǵasynyń orynbasarlary Kenjeáli Qońyratbaıuly men Sansyzbaı Qurbanuly bas qaladaǵy birneshe bazardy aralap, sanıtarlyq jaǵdaı, maldyń sharıǵat talabyna saı soıylýy, ysyrapqa jol bermeý, mal baǵasynyń shekten tys kóterilmeýin qadaǵalady.

Sonymen qatar naıb múftıler mal satýshylarmen tildesip, qurban malynyń sharıǵat talaptaryna saı bolý kerektigin aıtty. Keıin mal soıylyp jatqan orynnyń tazalyǵy tekserilip, qasapshylarǵa da keńes berildi.

Aıta keteıik, elordadaǵy bes bazarda muqtaj otbasylarǵa arnalǵan et qabyldaý oryndary bar. Qala ımamdary men eriktiler soıylǵan etti tez arada muqtaj jandarǵa jetkizýmen aınalysady.

​