QURBAN AITTA BALALARǴA MEREKELIK ShARA ÓTTI (FOTO)

Isi musylmannyń ulyq merekesi Qurban aıtta QMDB Astana qalasy ókildigine qarasty «Áziret Sultan» jáne «Ál-Fattah» meshitiniń áıel ustazdary men shákirtteri balalarǵa arnap rýhanı, oıyn-saýyq keshin ótkizdi.

Balalarǵa Qurban aıt meıramynyń mańyzdylyǵyn bildiý, sezindirý maqsatynda uıymdastyrylǵan sharaǵa 50 bala qatysty. Rýhanı sharanyń ótýine muryndyq bolǵan «Ál-Fattah» meshitiniń bas ımamy Baǵdat Abdýkarımov.   

Keshti uıymdastyrýshy «Áziret Sultan» jáne «Ál-Fattah» meshitiniń ustazy Zarına Shamıdýllaqyzy men ustaz Mýhlısa Saıdýllaqyzy balalarǵa Qurban aıttyń meıram ekenin sezindirý, dinı merekelerdiń  mańyzdylyǵyn uǵyndyrý olardyń rýhanı kemeldenýine yqpal etedi deıdi.

Quran aıattarymen bastalǵan rýhanı oıyn-saýyq keshin «Avatarııa» oıyn-saýyq ortalyǵynda ótti.  Taǵylymy mol keshte ókil ımam Erbolat Nuryldauly alǵy sóz sóılep, aıt meıramymen quttyqtady. Sondaı-aq, balalarǵa aıttyq syılyǵyn tabystap, izgi lebizin bildirdi.

Keshte meshit shákirtteriniń qatysýymen rýhanı qoıylymdar qoıyldy. Sporttyq jáne rýhanı-tanymdyq oıyndar oınatylyp, án men kúıden shashý shashyldy. Balalardyń kóńilin kóterý maqsatynda qynamen sýret salynyp, tátti-dimdiden dastarhan jaıyldy.

Aıta keteıik, Astana ókildigine qarasty Áıel-qyzdar sektory balalardyń júregine ımandylyq shýaǵyn seýip, rýhanı tárbıe berýge mańyz berip keledi. Máselen, oraza aıt meıramynda da «Kel, aıttaıyq, balaqaı!» atty balalarǵa arnalǵan merekelik shara ótkizgen bolatyn. Sondaı-aq, Astana qalasynyń Áıel-qyzdar sektory meshit jamaǵatynyń bir-birimen baýyrmashyl bolyp, etene jaqyn aralasýǵa baýlyp keledi. Búgingi sharany joǵary deńgeıde uıymdastyrǵan qos meshit jamaǵaty da aýyzbirshilikterin kórsetip, musylman jurtshylyǵyna úlgi kórsetti.

Источник: Aidos