Qyrǵyzstandyq shujyq tsehy sertıfıkattaldy
Kórshiles Qyrǵyzstan Respýblıkasynda ornalasqan «Abroı Grýpp» kásipornynyń «Abroı» saýda belgisimen shyǵarylatyn shujyqtary «QMDB Halal» standarty boıynsha sertıfıkattaldy. Sertıfıkatty Almaty qalasynyń bas ımamy Tólebı Ospan tabystady.
«Abroı Grýpp» – óndiriste ınnovatsııalyq tásilderdi qoldaný arqyly joǵary sapaly shujyq ónimderin daıyndaıtyn kásiporyn. Shujyq tsehy shet eldik sapaly tehnıkalyq qondyrǵylarmen jabdyqtalǵan. Tehnolog mamandardyń Qyrǵyzstanǵa sapary barysynda «Abroı Grýpp» shujyq tsehynyń óndiris aýmaǵyna baqylaý-qadaǵalaý sharalary júrgizilip, birqatar taǵamdyq qospalary zerthanalyq synamadan ótkizildi. Aýdıt sharalarynyń oń nátıjesinen keıin, «Abroı Grýpp» shujyq tsehy «Halal ónimderdi óndirýge, óńdeýge, daıyndaýǵa, saqtaýǵa, tasymaldaýǵa jáne satýǵa qoıylatyn jalpy talaptar» standartyna saı dep tanyldy», – dep habarlaıdy jergilikti ókil Marathan Muhtarhanuly.
«Abroı» shujyq ónimderine berilgen sertıfıkat 14.04.2022-13.04.2023 merzimi aralyǵynda jaramdy.
