Qyrkúıekte 4826 suraqqa jaýap berildi
QMDB Sharıǵat jáne pátýa bólimi mamandary, qala jáne oblystardaǵy pátýaǵa jaýapty qyzmetkerler, sondaı-aq respýblıkalyq sall-ortalyǵy qyrkúıek aıynda halyqtan túsken jalpy 4826 dinı suraqqa jaýap berdi.
Atap aıtqanda, jeke kezdesý arqyly 797 suraqqa, qońyraý shalý arqyly 2193 suraqqa, áleýmettik jeliler arqyly 1836 suraqqa jaýap berildi. Sonymen qatar, tikeleı Efır arqyly ǵıbadat, otbasy quqyǵy jáne mýamalat (qarym-qatynastar) máseleleri boıynsha onlaın sabaqtar men suraq-jaýap dáristeri júrgizildi.
«Munara» gazeti men muftyat.kz saıtynda «Qundyz ton kııýge ruqsat pa?», «Bireýge qarǵys aıtý durys pa?», «Táńirshilderdiń óligi musylman zıratyna qoıylmaıdy» sekildi ózekti taqyrypta maqalalar jarııalandy. Otbasy quqyqyna qatysty 20 másele qaralyp, onyń 19-yna tıisti sheshim shyǵaryldy.
Eske sala keteıik, kez kelgen dinı máseleni QMDB Sharıǵat jáne pátýa isine jaýapty mamandarynan, sondaı-aq Dinı aqparat ortalyǵynyń (call-center) 8(7172)33-30-30 telefon nómirine qońyraý shalý arqyly surap bile alasyzdar.
