Qyzylorda: «El úlesi páterge» 5 otbasyǵa qýanysh syılady (FOTO)
«Janqoja» meshiti jamaǵattarynan quralǵan «Asyl Iman Ihsan» jáne QMDB «Zeket» qaıyrymdylyq qorlarynyń birigýimen «El úlesi páterge» áleýmettik jobasy aıasynda Qyzylorda oblysy, Qazaly aýdanynda 5 birdeı otbasy baspanaly boldy.
Qasıetti Oraza aıt merekesine oraı uıymdastyrylǵan saltanatty sharaǵa qatysqan QMDB-nyń Qyzylorda oblysy boıynsha ókil ımamy Bolatbek Ulasqanuly, QMDB «Zeket» qaıyrymdylyq qorynyń oblystaǵy ókili O.Jıdebaev, Qazaly aýdany ákimi M.Ergeshbaev, «Asyl Iman Ihsan» qaıyrymdylyq qorynyń tóraǵasy S.Aralbaev jıylǵan halyqty aıt meıramymen quttyqtap, jańa páterdiń kiltin tabystady.
1000 sharshy metr quraıtyn jańa páterge shamamen 10 mıllıonǵa jýyq qarjy jumsalǵan.
Ókil ımam B.Abýov óz kezeginde muqtajdyń muńyn uǵyp, qamqorlyq jasap júrgen «Janqoja batyr» meshiti jamaǵattarynan quralǵan «Asyl Iman Ihsan» qaıyrymydylyq qory sekildi aýdannyń jomart azamattaryna alǵys bildirip, izgi lebizin jetkizdi. Shara sońynda birqatar belsendi azamattar alǵys hattarmen marapattaldy.
Budan keıin aýdandaǵy «Janqoja batyr» ortalyq meshitinde áleýmettik jaǵdaıy az qamtylǵan 40 otbasyǵa bir aılyq azyq-túlik úlestirildi. Meıirimdilik aktsııa aıasynda kómek alǵan jandar uıymdastyrýshylarǵa rızashylyqtaryn bildirdi.
