Qyzylorda: qalalyq meshitterde jańa taǵaıyndaýlar boldy
Qazaqstan musylmandary dinı basqarmasynyń tóraǵasy, Bas múftı Serikbaı qajy Orazdyń buıryǵymen Qyzylorda qalalyq «Sultan» meshitiniń bas ımamy qyzmetine Otyzbaev Qaıyrbek taǵaıyndaldy.
Juma kúni QMDB-nyń Syr óńirindegi ókil ımamy Bolatbek Ulasqanuly qalalyq «Sultan» meshitiniń jamaǵatymen kezdesip, meshittiń bas ımamy qyzmetin abyroımen atqaryp kelgen Á.Ábjanovqa alǵys bildirip, meshit jamaǵatyna jańa ımamdy tanystyrdy.
Sonymen qatar, Qyzylorda qalalyq «Aıtbaı» meshitiniń bas ımamy N.Kerimbekov Qaraýyltóbe aýyldyq okrýgindegi «Qaraýyltóbe» meshitiniń bas ımamy qyzmetin atqaryp kelgen E.Abdıkarımovke ókil ımam Bolatbek Ulasqanulynyń atynan alǵyshat tabystap, meshit jamaǵatyna jańa ımamdy tanystyrdy. «Qaraýyltóbe» meshitiniń bas ımamy qyzmetine Dosov Baqdáýlet taǵaıyndaldy.
Otyzbaev Qaıyrbek Toqtyqbaıuly - 1981 jyly Qyzylorda oblysy, Jalaǵash aýdanynda týylǵan.
1998-1999 jj. Túrkistan qalasyndaǵy bir jyldyq ýnıversıtette daıyndyq kýrsyn;
1999-2003 jj. OQO, Shymkent q., «Halyqaralyq qazaq-arab ýnıversıtetiniń «Dintaný jáne arab tili» mamandyǵyn támamdaǵan.
2003-2004 jj. Qyzylorda q. «Quddys ıshan» meshitinde ustazdyq;
2004-2005 j.Qyzylorda q. respýblıkalyq dinı-tanymdyq basylym «Nur» gazetinde redaktor;
2005-2012 jj. Respýblıkalyq dinı-tanymdyq basylym «Nur» gazetiniń bas redaktory.
Sonymen qatar qoǵamdyq negizde QMDB-nyń Qyzylorda oblysy boıynsha ókildiginiń baspasóz hatshy;
2012-2014 jj. Astana qalasyndaǵy «Nur Astana» ortalyq meshitine qarasty resmı «ummet.kz» saıtynyń redaktory;
2014-2015 jj. Atyraý oblysynyń «Imanǵalı» ortalyq meshitinde 1-naıb ımamy;
2015-2016 jj. Astana qalasyndaǵy «Nur Astana» ortalyq meshitine qarasty resmı «ummet.kz» saıtynyń bas redaktory, redaktsııa alqasynyń jetekshisi;
2016-jyldyń maýsym aıynan Qyzylorda qalalyq «Aıtbaı» meshitiniń naıb ımamy; Qoǵamdyq negizde QMDB-nyń «Nasıhat jáne qoǵammen baılanys» bóliminiń «Jastar isi» sektorynyń Qyzylorda oblysy boıynsha úılestirýshisi bolyp qyzmet atqaryp keledi.
Dosov Baqdáýlet Səbethanuly - 1993 jyly Qyzylorda oblysy, Shıeli aýdany, Sh.Qodamanov aýylynda dúnıege kelgen.
2012-2015 jj. Aqtóbe qalasy, «Aqtóbe» medrese kolledjin támamdaǵan.
2015-jyldan bastap Qyzylorda qalalyq «Aıtbaı» meshitinde azanshy bolyp qyzmet atqarǵan.
