Qyzylorda: Qarmaqshyda ǵylymı-tanymdyq konferentsııa ótti Qyzylorda óńiriniń baspasóz qyzmeti

Shámshat Tólepova atyndaǵy aýdandyq mádenıet úıinde Qarmaqshy aýdanynyń qurylǵanyna 90 jyl tolýyna arnalǵan «Qarmaqshy – eldik pen erlik mekeni» atty ǵylymı-tanymdyq konferentsııa ótti. 

Konferentsııaǵa oblys ákimi Q.Kósherbaev, QR Parlamenti Senatynyń depýtaty B.Elamanov, oblystyq máslıhat hatshysy N.Baıqadamov, «Qarmaqshy aýdanynyń Qurmetti azamaty» B.Dosmanbetov, QMDB-nyń Qyzylorda oblysy boıynsha ókil ımamy Bolatbek Ulasqanuly jáne aýdan ákimi S. Maqashov qatysty.

Konferentsııa barysynda mereıtoıǵa oraı aýdanymyzdyń tarıhy men tabıǵatyn, mádenı mol murasy men osy topyraqta dúnıege kelgen jyrshy-jyraýlary men batyrlary, bıleri men eńbek erleri, azamattary men táýelsizdik jyldarynda qol jetken jetistikteri týraly jazylǵan kitaptyń tusaýy kesildi.

Ári qaraı osy kitaptyń Aqyldastar alqasynyń jetekshisi B. Káribozuly jáne Á. Áýezhanuly, B. Sársenuly, T. Sahauly, A. Nurmahanuly aýdanymyzdyń 90 jyldyǵyna oraı quttyqtaýlaryn jetkizip, baıandamalar oqyldy.