QYZYLORDADA III RESPÝBLIKALYQ JYRShY-TERMEShILER FESTIVALI ÓTTI
Búgin Syr óńirinde Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanulynyń qatysýymen «Babalar sózi – danalyq kózi» atty III respýblıkalyq jyrshy-termeshiler festıvali ótti. Sharanyń maqsaty – din men dástúr úndestigin nasıhattaý, qazaq jyryndaǵy minájat dástúriniń rýhanı-dını mánin keńinen kórsetý.
Qazaqstan musylmandary dinı basqarmasynyń 35 jyldyq mereıtoıy aıasynda uıymdastyrylǵan festıvalǵa oblystyq máslıhat tóraǵasy Murat Tileýimbetov pen zııaly qaýym ókilderi qatysty. Bas múftı óz sózinde jyrshylyq dástúrdiń halqymyzdyń rýhanı ómirindegi ornyn atap ótti.
Shara barysynda elimizdiń ár óńirinen kelgen jyrshy-termeshiler óz ónerlerin kórsetti. Atap aıtqanda, Amanqos Sadyqov (Almaty oblysy), Temirbek Asqambaev (Mańǵystaý oblysy), Erbol Qýanbek (Jetisý oblysy), Rýslan Ahmetov, Aıdos Raqmetov, Nurtilek Aqtaev, Janbolat Ómirzaq, Ádilhan Qýańbaev (Qyzylorda oblysy), Kúnsulý Túrikpen (Astana qalasy), Erbol Qalmyrzaev (Shymkent qalasy) minájatqa, izgilikke arnalǵan jyr-termelerdi sheber oryndap, kórermenge erekshe rýhanı áser syılady.
Kesh sońynda barlyq ónerpazdar Bas múftıdiń alǵys hatymen marapattaldy.
Aıta keteıik, kóne dinı óleńder men minájat jyrlaryn jańǵyrtýdy maqsat etken bul festıvaldi Qyzylorda oblysy ókildigi úshinshi ret respýblıkalyq deńgeıde uıymdastyryp otyr. Buǵan deıingi sharalar 2022 jáne 2023 jyldary ótkizilgen bolatyn.
