«RAISA ANA» MEShITINDE MÁÝLIT MEREKESI ATALYP ÓTTI (FOTO)
«Raısa ana» meshitinde áıel jamaǵaty Máýlit merekesin atap ótti. Súıikti paıǵambarymyz Muhammedke (s.ǵ.s.) degen súıispenshilikti pash etýge jınalǵan qaýym bir-birine qýanysh syılap, merekelik kóńil-kúıde bas qosty.
Shara barysynda paıǵambarymyzǵa salaýattar aıtylyp, taǵylymdy nasıhattar júrgizildi. Aldyn ala daıyndalǵan salaýat jarysy jamaǵattyń belsendiligin arttyryp, merekege erekshe sán berdi. Jarysqa qatysqan áıelder paıǵambarymyzdyń ónegeli ómirin eske alyp, jınalǵandarǵa rýhanı áser syılady.
Is-shara sońynda jeńimpazdar men belsendi qatysýshylarǵa arnaıy syılyqtar men alǵys hattar tabystaldy. Bul ıgi qadam olardyń yntasyn arttyryp, dinı merekege degen yqylasyn kúsheıtti.
«Raısa ana» meshitindegi Máýlit merekesi áıel jamaǵatynyń uıymshyldyǵyn, ımandylyqqa degen súıispenshiligin jáne ortaq qundylyqtardy nasıhattaýdaǵy belsendiligin aıqyn kórsetti.
