«RAHYMQYZY RAISA» ANA MEShITINDE «ÁJELER MEKTEBINIŃ» JIYNY ÓTTI (FOTO)

Áıel-qyzdar sektory Astana qalasy ókildiginiń uıymdastyrýymen «Rahymqyzy Raısa ana» meshitinde áıel jamaǵatyna arnalǵan tanymdyq semınar ótti.

Sharaǵa QMDB Áıel-qyzdar sektor meńgerýshisi Dınara Qutqojaqyzy, Astana qalasy Áıel-qyzdar sektory jetekshisi Elmıra Buharbaeva jáne aq jaýlyqty analarymyz ben meshittiń áıelder jamaǵaty qatysty.

«Islam jáne dástúr qundylyǵy» jyly aıasynda júzege asqan basqosý jıyny «El bolam deseń, besigińdi túze» taqyrybyn arqaý etti.

Atalmysh ıgi bastamaǵa meshit irgesindegi «Ájeler mektebi» de uıytqy bolyp otyr. Onyń negizgi maqsaty jastarǵa dástúr qundylyqtaryn túsindirý, óskeleń býynnyń tanymdyq qabiletterin damytý, úlkenge qurmet, kishige izetti bolýǵa shaqyrý.

Shara barysynda ájeler «Qyrqynan shyǵarý», «Besikke salý», «Tusaýkeser» syndy ádet-ǵuryptarymyzben tanystyrdy.

Источник: Aidos