RAMAZANDA – 30 KÚNDE 30 BASPANA! EL BOIYNShA ÚLKEN QAIYRYMDYLYQ JOBA SÁTTI AIaQTALDY

2026 jylǵy qasıetti Ramazan aıynda «Zeket jáne qaıyrymdylyq qory» aýqymdy áleýmettik jobany tabysty júzege asyrdy. «30 kúnde – 30 baspana» bastamasy aıasynda respýblıka boıynsha 30 otbasy jańa páterdiń kiltine ıe boldy.

Bul ıgi istiń júzege asýyna ımamdar uıytqy bolyp, zeket qory ókilderi bastama kóterip, eljandy kásipkerler qoldaý bildirdi. Nátıjesinde din qyzmetkerleri, áleýmettik az qamtylǵan otbasylar, kópbalaly analar men asyraýshysynan aıyrylǵan analar baspanaly boldy.

Atalǵan joba – «El úlesi – páterge» qaıyrymdylyq bastamasynyń jalǵasy. Búginde osy joba aıasynda el boıynsha tabystalǵan páterler sany 900-den asty.

Osy ıgi iske atsalysqan barsha azamattarǵa, qoldaý kórsetken kásipkerlerge, uıymdastyrýshylar men janashyr jandarǵa shynaıy alǵysymyzdy bildiremiz! Sizderdiń kómekterińizdiń arqasynda júzdegen otbasynyń úmiti oıanyp, ómirine jańa serpin berildi.

Bul – tek baspana emes. Bul – jańa ómirge bastaý, jańa úmit, jańa múmkindik.

​