RAMAZANDA DURYS TAMAQTANÝ TÝRALY SEMINAR ÓTTI (FOTO)

Qasıetti Ramazan aıynyń qarsańynda Astana qalasyndaǵy «Áziret Sultan» meshitine qarasty «Inabat» analar mektebiniń uıymdastyrýymen ulyq aıdyń qadir-qasıetin túsindirip, jamaǵatty aqparattyq saýattandyrý maqsatynda «Ramazanda durys tamaqtaný» atty semınar bolyp ótti.

Integratıvti otbasylyq dáriger, nýtrıtsıolog Ábdimanap Malıka Sheralyqyzy men ıntegratıvti terapevt, nýtrıtsıolog Kýsaınova Saıan Serikqyzynyń spıkerligimen ótken semınardyń jamaǵat úshin jóni bólek boldy. Qasıetti aıdyń mańyzdylyǵy jóninde, orazanyń qaǵıdalary men talaptary týrasyndaǵy meshitimizdiń Ásel ustaz, Zarına ustaz, Elmıra ustazdyń  ýaǵyzy qatysýshylarǵa Ramazannyń rýhanı paıdasynan habardar etip, mol maǵlumat berdi. Shaqyrylǵan qonaqtardyń dárisi qatysýshylar úshin tyń jaıttardyń betin ashyp, aýyzashar men sáresi kezinde oryn alyp jatatyn keıbir qatelikterden aýlaq bolýǵa úıretti.

Semınar sońynda jamaǵat suraqtaryna kezek berilip, oraza kezinde em-dom alý máseleleri, sapardaǵy musylmannyń áreketteri, orazany buzatyn jáne buzbaıtyn jaǵdaılar týraly keńinen nasıhat aıtyldy. Sondaı-aq, arnaıy «Ramazanǵa paıdaly 7 kúndik mázir» daıyndalyp, qatysýshylarǵa usynyldy.

Sýretter toptamasyn FOTOGALEREIa aıdarynan kóre alasyzdar!

Источник: Aidos