RAMAZANDY QORYTYNDYLAÝ JÁNE ALDAǴY JOSPARDY TALQYLAÝ JIYNY ÓTTI (FOTO)

Búgin Respýblıkalyq Bas meshitte  Ramazan aıynda atqarylǵan is-sharalar qorytyndylanyp, aldaǵy jumys josparyn talqylaý jıyny ótti.

Jıynǵa qala bas ımamy Erbolat Nuryldauly men Astana qalasy meshitteriniń barlyq din qyzmetkerleri qatysty.

«Allaǵa shúkir, Ramazan aıynda josparlaǵan is-sharalarymyzdy oıdaǵydaı atqardyq. Barshańyzǵa óz atymnan alǵys bildiremin. Qasıetti aıdan keıin «Islam jáne izgi qoǵam» jyly aıasyndaǵy jumystardy jaýapkershilikpen, joǵary deńgeıde atqarýǵa mán berýimiz kerek» dedi QMDB Astana ókildiginiń bas ımamy Erbolat Júsipov.

Jıynda meshit tazalyǵy, meshittiń basqarý júıesi, jerleý rásimi, kóne kitaptardy jandandyrý, «din men dástúr» aıasynda sporttyq sharalar ótkizý, zırat ádebi, ımamdardyń biliktiligin arttyrý, aqsaqaldar alqasy men ájeler mektebin qurý sııaqty birqatar máseleler talqylandy.