RANT múshelerine arnalǵan semınar qorytyndylandy (FOTO)
Elordada QMDB Tóraǵasy, Bas múftı Naýryzbaı qajy Taǵanulynyń bastamasymen RANT músheleriniń biliktiligin arttyrý maqsatynda uıymdastyrylǵan semınar máresine jetti.
Semınarda Bas múftı «Ýaǵyz aıtýdyń ádebi men ýaǵyzshynyń mindeti» taqyrybynda dáris oqysa, naıb múftı Sansyzbaı Qurbanuly fıqh ádisnamasyndaǵy keıbir máselelerdi túsindirip ótti. Sondaı-aq QMDB Tóraǵasynyń orynbasary Ershat Ońǵar qyzmetke jaýapkershilikpen qaraý jóninde oı-pikirin bólisse, Dinı bilim jáne kadr daıarlaý bóliminiń meńgerýshisi Smaıyl Seıtbekov Islam tarıhyndaǵy saıası oqıǵalardy jiktep berdi.
Sondaı-aq RANT múshelerine Din isteri komıtetiniń dinı qyzmet salasyndaǵy quqyq qoldaý praktıkasynyń basqarmasynyń basshysy Beıimbet Qasymbekuly («Zaıyrlylyq jáne dinı senim bostandyǵy»), sondaı-aq bloger, SMM-mamany Tımýr Bektur («Áleýmettik jelini tıimdi paıdalanýdyń joldary»), áleýmettaný ǵylymdarynyń kandıdaty Talǵat Jaqııanov «Qazaqstandaǵy dinı ahýal: negizgi tendentsııalar men problemalar» taqyrybynda dáris oqydy.
Aıta keteıik, eki kúnge sozylǵan semınar sońynda QMDB Tóraǵasy, Bas múftı Naýryzbaı qajy Taǵanuly spıkerlerge alǵysyn jetkizip, RANT múshelerine arnaıy sertıfıkat tabystady.
