RANT múshesi – Aqtóbe óńirinde (foto)
QMDB «Zeket jáne qaıyrymdylyq» qorynyń ıslamdyq qarjy máseleleri boıynsha sarapshysy Maqsatbek Qaıyrǵalıev Aqtóbe oblysynyń ımamdaryna «Zeket jınaýdyń zamanaýı tetikteri» taqyrybynda semınar ótkizdi.
Oblys bas ımamy Serikjan Enshibaıulynyń uıytqy bolýymen oblystyq ortalyq «Nur Ǵasyr» meshitinde ótken semınarǵa aımaqtyń qala jáne aýdandardyń din qyzmetkerleri qatysty.
Maqsatbek Qaıyrǵalıev semınar barysynda zeket berýshilermen keri baılanys joldaryna toqtaldy. Sonymen qatar PR áreketter algorıtmin atap ótti. Odan ózge sarapshy eriktilermen tyǵyz jumys máselesin de tilge tıek etti.
Shara qorytyndysynda taqyryp aıasynda qoıylǵan suraqtarǵa jaýap berilip, ádistemelik nusqaýlyq kórsetildi jáne semınarǵa qatysqan ımamdarǵa sertıfıkat tabystaldy.
Budan keıin RANT múshesi «Nurgasyr.kz» medıa stýdııasynda qonaq bolyp, suhbat berdi. «Jumadaǵy júzdesý» baǵdarlamasynda Aqtolqyn Tajıkovaǵa «Zeket – bes paryzdyń biri» taqyrybynda, al «Zeket jáne qaıyrymdylyq qorynyń» aımaqtaǵy jaýapty ókili Almat Álıge «Ramazan – qaıyrymdylyq aıy» taqyrybynda súbeli suhbat berip, zeket jáne qaıyrymdylyq t.b aıasynda suraqtarǵa tushymdy jaýap berdi.
Sondaı-aq «Zeket jáne qaıyrymdylyq» qorynyń «El úlesi – páterge» qaıyrymdylyq aktsııasy aıasynda respýblıka boıynsha 536-shy, Aqtóbe óńiri boıynsha 25-baspana kilti tabystalyp, ıgi is-sharaǵa RANT múshesi Maqsatbek Qaıyrǵalıev pen Aqtóbe oblysynyń bas ımamy Serikjan Enshibaıuly arnaıy qatysty. 8 balasy bar otbasyǵa tabystaldy.
Atalmysh ıgi shara óńirdegi «Zeket jáne qaıyrymdylyq» qorynyń ókili jáne «Jarqyn júrek» eriktiler tobynyń atsalysýymen júzege assa, 3 bólmeli páter 8 balasy bar Jubathanov áýletine berildi. Oblys bas ımamy da, baspanaly bolǵan otbasy da meıirimdilikke úndeıtin berekeli jobanyń júzege asyrylýyna atsalysqan jomart jandar men kásipker azamattarǵa, meshit ımamdaryna alǵysyn bildirdi.
